今日o係收音機聽新聞聽到一句怪野，同時學到新字
但我真係好想問乜鬼叫「公安條例」？
一般黎講，呢句野應該指大陸法律果樣野吧？
不過此「公安條例」不同彼「公安條例」喎！何解？
話說雷曼「苦主」示威，警方話佢地可能觸犯「公安條例」
我諗點都唔關大陸公安條例吧？唔通係「公眾安全」的濃縮版？
聽到我頭都側埋，但同時又覺得用中文寫法律那人幾有創意
頭尾中間求其抽兩件砌個新詞語，香港邊仲係創意沙漠呀？
今晚無咁誇張，只係睇左三集Fafner
先講第十七集，主要描寫角色Kanon，由小林沙苗配
原本我對呢個角色無乜好感，因為性格太冷了
但最令我喜出望外係小林沙苗竟配到上左身
小林沙苗出道後，第一次配主角應該係第一神拳
相信最受人留意係配棋魂的塔矢亮，或者係創聖大天使的紅麗花
Kanon角色幾複雜，單係冷酷未必到表現角色內心感情
又一個「食」角色，選角選得好適當
第十八集又係做綜合，今次比第一次做得出色好多
快慢節奏恰到好處，劇情鬆緊調校得岩岩好
又係故事另一轉捩點，是全劇的「轉」部份
第十九集上半是真矢（松本真理香）文戲，下半集打到落尾
松本真理香終於有好表現，雖遲但好過無
唔知係咪上頭指示唔夠清晰，定係松本小姐唔識分「呆」同「酷」?
但唔理啦，真矢另一面性格佢似乎捉得幾好喎
呢集新井里美的表現仍係最出色
有幾幕好考反應同聲音突變技巧，無咁上下功夫都好難連戲
以戲劇角度黎睇，如果劇本咁樣寫𤧬良（新井里美）
都大概估到呢個角色有甚麼結局了…
呢個時候就係白石稔個人Show Time了！
|
|
|
